Дәрия мектебіне 80-жыл

Мерейтой аталып өтті Жақында білімнің қара шаңырағы Дәрия орта мектебінің 80 жыл толуына орай мерекелік шара өтті. Мерейтой күні мектеп жанына кент жұртшылығы әдеттегіден көптеп жиналды. Мерекенің ашылу салтанатында сөз алған кент әкімі Б.Райым мектеп директоры Н.Айылбековтар барлық ұстаздар қауымын, ауыл жұртшылығын мерейлі мерекемен құттықтап, мектепте көп жылдар жұмыс істеп, еңбек сіңіріп, зейнеткерлікке шыққан ұстаздарға, мектеп түлектеріне ыстық ықыластарын білдірді. Бұдан соң мерекеге арнайы келген аудандық білім бөлімінің өкілі Б.Жаманова өзінің құттықтау тіленен соң иерекелік сый-сыяпат көрсетті. Сөз алған зейнеткер ұстаздардың бірі А.Орынбеков мектеп тарихы жайында қысқаша айтып өтсе, А.Құррымбаев, З.Сейтеовалар құттықтау тілегін жеткізді. Мерейлі иерекеде мектеп ұ

стаздары «Ұстазым», «Мектебім» әнің қосыла шырқады. Сол 80 жылдық тарихы бар білім ордасына әр жылдары мектеп бітірген түлектер бас қосып, ұстаздары жайлы тебірене айтып, мектепке әкелген арнайы сыйлықтарын тарту етті. Мереке соныңда шақырылған қонақтарға арнап ақ дастархан жайылды. Тамаша мерейтойдың соңы ересектер арасында өткізілген спорттық ойындармен жалғасса, кішкентай бүлдіршіндер үшін өткізілген жарыс та өте тартымды да қызықты өткізілді. Мереке соныңда тамаша ойын көрсеткен кішкентай бүлдіршіндерге сыйлықтар табыс етілді.